Newsline II - Reloaded Joomla News Portal

Sa pagsisimula ng kanyang termino, mataas ang tiwala ng sambayanang Filipino kay Pangulong Benigno "Noynoy" Aquino.

Batay sa survey ng Pulse Asia na isinagawa noong Hulyo 1 hanggang 11, pumalo sa 85 percent ang trust rating ni PNOY, pinakamataas na naitala sa kahit kaninong indibidwal mula noong 1999.

Sa naturang survey, 2 percent lamang ang nagsabing hindi sila nagtitiwala kay PNOY habang 13 percent ang undecided o walang pasya.

Mataas din ang trust rating ng mga myembro ng gabinete ni Aquino.

Nakakuha si Social Welfare Sec. Dinky Soliman ng 72 percent, sinundan ni Justice Sec. Leila de Lima na may 69 percent.

Si Foreign Affairs Sec. Alberto Romulo naman ay may 67 percent, Budget Sec. Florencio "Butch" Abad, 62 percent, Education Sec. Bro. Armin Luistro, 58 percent; Finance Sec. Cesar Purisima, 55 percent at Executive Sec. Paquito Ochoa, 55 percent.

Mataas din ang approval rating ni bagong AFP Chief of Staff, Major Gen. Ric David na may 64 percent habang si PNP Chief Gen. Jesus Versoza ay may 67 percent.

Mayroong 1200 na respondents ang survey.