Newsline II - Reloaded Joomla News Portal

Itinanggi ni Comelec Commissioner Nicodemo Ferrer na boses nito ang nasa CD na umanoy naglalaman ng usapan nila ni DILG Secretary Ronaldo Puno.

Kaugnay ito sa sinasabing pagmaniobra sa resulta ng May 10 automated elections.

Sinabi ni Ferrer na mayroon na itong kopya ng CD at plano niya itong i-turnover sa NBI para maimbestigahan.

Ang audio recording sa sinasabing “Hello Garci Part 2” ay ibinunyag ni Senate Minority Leader Aquilino Pimentel Jr. na unang nakatanggap ng kopya ng CD.

Ayon kay Pimentel, ang buod ng usapan ay kung paano mababago ang resulta ng halalan sa pamamagitan ng pag-maniobra sa PCOS machines.

Tiniyak din ni DILG Assistant Sec. Bryan Yamsuan, spokesman ni Puno na hindi sa kalihim ang boses sa CD at katunayan ay hindi nito kilala ng personal si Ferrer.