Newsline II - Reloaded Joomla News Portal

Aminado  si  Chief  Justice  Renato  Corona  na  hindi  sila  magiging  kaibigan  o  kakampi  ni  in-coming  president,  Senador  Noynoy Aquino.

Nilinaw  naman  ng  punong  mahistrado  na  hindi  ito  nangangahulugan  na  dapat  silang  tratuhing  kalaban  ni  Aquino.

Ipinaliwanag  ni  Corona  na  hindi  maganda  sa  demokrasya  kung  malapit  ang  pangulo  ng  bansa  at  Chief  Justice.

Ito  aniya  ay  dahil  ang  lahat  ng  aksyon  ng  presidente  na  may  ligal  na  implikasyon  ay  sila  ang  pinal  na  magdedesisyon.

Itinuturing namang hamon ni Corona ang aniya’y pangangantiyaw sa kanya ng mga kritiko na magiging pananggalang siya ni Outgoing President Gloria Arroyo kapag bumaba na ito pwesto sa June 3o.

Kasabay nito ay umapela si Corona sa publiko na bigyan ito ng pagkakataon na patunayan ang kanyang kakayahan at paraan ng pagde-desisyon sa mga kaso bago siya husgahan.

Hinamon din ng punong mahistrado ang kanyang mga kritiko na bantayan ang kanyang performance at ilabas ang kanilang mga puna pagkalipas ng isang taon.

Bago naging Chief Justice, si Corona ay nagsilbi bilang presidential chief of staff, presidential spokesperson at acting executive secretary ng arroyo administration.