Newsline II - Reloaded Joomla News Portal

Posibleng iproklama ng Comelec en banc na nagsisilbing national board of canvassers ang tatlo pang nanalong senador, bukas o sa Miyerkules.

Ito, ayon kay Comelec Commissioner Gregorio Larrazabal, ay dahil nakadepende ang kanilang pagbibilang sa pagdating ng certificates of canvass mula sa ilan pang lalawigan.

Sinabi rin ni Larrazabal na posibleng sa punong tanggapan ng poll body sa Intramuros, Maynila isagawa ang proklamasyon ng ika-sampu hanggang ika-labindalawang senador.

Ito, aniya, ay dahil hanggang ngayong araw na ito lamang ang nakuha nilang extension sa PICC, sa Pasay City kung saan isinasagawa ang canvassing ng mga boto sa pagka-senador at party-list groups.