Newsline II - Reloaded Joomla News Portal

Nagbabala  ang  Malakanyang  na  posibleng  mauwi  sa constitutional  crisis  ang  banta  ni  Senador  Noynoy  Aquino  na  hindi  nito kikilalanin  si incoming  Supreme  Court  Chief  Justice  Renato  Corona.

Nababahala  rin  si  Deputy  Presidential  Spokesperson  Charito  Planas  na  maaari  rin  itong  maging  daan  sa  lalo  pang  pagkakawatak-watak  ng taumbayan.

Dapat aniyang isipin ni Aquino  na ang appointment  kay Corona ay base  sa  ruling  ng Korte Suprema  at  dumaan sa pagbusisi ng Judicial and Bar Council.

Payo  ni  Planas, imbes na isnabin ni Aquino si Corona, makabubuting  igalang nito ang Saligang Batas at nakatitiyak itong  tataas pa ang pagtingin sa kaniya  ng  mga Filipino at buong mundo.

Mas magiging respetado rin aniya si Aquino kung manunumpa ito kay Corona bilang paggalang sa isang co-equal branch  ng gobyerno.