Newsline II - Reloaded Joomla News Portal

Sa  halip  na  humupa  ang  gulo  matapos  ang  mapayapang  halalan  ay  nagliyab  muli  ang  tensyon  sa  pulitika.

Ito’y  nang  kuwestyunin  ng  posibleng  susunod  na  pangulo  na  si  Senador  Noynoy  Aquino  ang  pagtatalaga  ni  Pangulong  Gloria Arroyo  kay Associate  Justice  Renato  Corona  bilang  susunod  na  punong  mahistrado.

Iginiit  ni  Aquino  na  mali  ang  ginawa  ng  pangulo  na  magtalaga  ng  chief  justice  dahil  sa  Lunes  pa  matatapos  ang  termino  ni  Chief  Justice Reynato  Puno.

Ipinaalala  ni  Aquino  kay  Ginang  Arroyo  na  walang  vacancy  sa  Korte  Suprema  na  dapat  punan  at  mali  na  magtalaga  ng  “Chief Justice  in waiting”.

Idinagdag  nito  na  kung  meron  man  dapat  pagka-abalahan  si  Ginang  Arroyo,  ito  ay  ang  paghandaan  ang  maayos  na  paglilipat  ng  liderato  ng bansa  sa  June  30.