Newsline II - Reloaded Joomla News Portal

Pinal nang ibinasura ng Korte Suprema ang disqualification case ng grupong Vanguard laban kay dating Pangulong Joseph Estrada sa pagtakbo nitong muli sa pagkapangulo sa Mayo.

Inihain ni Atty. Elgio Mallari ng Vanguard of the Philippine Constitution Inc. ang petisyon batay sa Article VII, Section 4 ng 1987 Constitution na nagsasabing hindi eligible sa re-eleksyon ang isang naging pangulo na ng bansa.

Sinabi ni Supreme Court Spokesman Jose Midas Marquez na walang mabigat na argumento sa petisyon kaya’t ibinasura ito.

Nilinaw ni Marquez na marami pang nakabinbin na kaparehong petisyon sa Commission on Elections kaya’t premature pa para maghain ng kaso sa Korte Suprema.

Hindi aniya tinalakay ng Korte Suprema ang merito ng kaso kung kwalipikado ba o hindi na tumakbo si Erap.