Newsline II - Reloaded Joomla News Portal

Inamin ng AFP na mino-monitor  nila ang kanilang mga opisyal na posibleng sangkot sa partisan politics.

Nilinaw ni AFP Spokesman, Lt. Col. Arnulfo Burgos Jr. na hindi lamang sa mga kalaban ng gobyerno nila ginagamit ang intelligence monitoring kundi sa loob din ng AFP.

Sinabi ni Burgos na nagsimula ang  internal intelligence monitoring matapos aminin ni Liberal Party Standard Bearer, Senador  Noynoy Aquino na nakipagpulong ito sa mga miyembro ng Philippine Military Academy Class 1977 at 1978.

Inamin ni Aquino na tinalakay nila sa meeting ang posibleng gagampanang papel ng mga military officer sa sandaling magkaroon ng failure of election sa May 10.

Kabilang umano sa mga opisyal ng AFP na nakipagpulong kay aquino si Lt. Gen. Raymundo Ferrer, commander ng Eastern Mindanao Command at kasapi ng PMA Class 77.