Newsline II - Reloaded Joomla News Portal

Sinampahan ng graft charges sa Office of the Ombudsman ang ilang opisyal ng Comelec, kabilang na sina dating Chairman Benjamin Abalos at kasalukuyang Chairman Jose Melo.

Dahil ito sa umano’y maanomalyang bidding sa paper supply contract noong 2008 ARMM elections.
Sa reklamo ni Atty. Harry Roque ng Concerned Citizens’ Movement, in-award ng poll body ang kontrata sa Advance Paper Corporation sa kabila ng sister company ito ng blacklisted bidder na Advance Computer Forms Incorporated.

Bukod kina Abalos at Melo, kabilang din sa kinasuhan ng paglabag sa Anti-Graft and Corrupt Practices Act sina Commissioners Nicodemo Ferrer, Rene Sarmiento at Lucenito Tagle; dating Commissioners Resurreccion Borra  at  Muslimen Macarambon;  Executive Director Jose Tolentino, Director James Jimenez, Engr. Tadeo Cernan at Maria Lorina Tangaraw-Casingal.