Newsline II - Reloaded Joomla News Portal

Lumagda na sa isa pang waiver si Chief Justice Renato Corona.

Ito ay ang waiver mula sa the Medical City upang tiyaking walang pananagutan ang pagamutan sa anumang mangyayari sa punong mahistrado sa pagdalo nito sa impeachment trial, mamayang hapon.

Nakasaad sa waiver na nauunawaan ni Corona ang kanyang medical condition at ang posibleng komplikasyon sa pagharap sa trial batay sa paliwanag ng kanyang mga manggagamot.

Sa kabila naman nito ay nanindigan ang punong mahistrado na lumabas sa pagamutan.

Bukod sa chief justice, lumagda rin sa waiver ang asawa nitong si Cristina, mga anak na sina Francis at Carla at maging ang kanyang medical team na kinabibilangan nina Dr. Michael Villa at Cardiologist Mariann Almajar.