Newsline II - Reloaded Joomla News Portal

Bumaba  ang  bilang  ng  mga  negosyante  na  magbibigay  ng  donasyon  sa  mga  presidential  candidate  at  marami  sa  mga  ito  ay  isang  kandidato  lamang  ang  susuportahan.

Lumitaw  ito  sa  November  3  hanggang  December  5,  2009  survey  ng  Social  Weather  Stations  sa  550 business managers  mula  sa  National  Capital  Region,  Davao,  Cagayan  De  Oro, Cavite,  Laguna  at  Batangas.
Sa  naturang  bilang,  68  percent  ang  nagsabi  na  hindi  sila  magdo-donate  kumpara  sa  54  percent  noong  2004  presidential  election.

Sa  tanong  kung  ilan  ang  kanilang  bibigyan  ng  tulong  pinansyal,  14  percent  ang  nagsabi  na  isang  kandidato  lamang  sa  isang  posisyon  ang  kanilang  susuportahan  kumpara  sa  12  percent  noong  2004.

Paniniwala  naman  sa  plataporma  ng  isang  kandidato  ang  dahilan  ng  mga  business  managers  kung  bakit  sila   sumusuporta  sa  isang  kandidato  base  pa  rin  sa  survey  ng  SWS.

Sa  limandaan  at  limampung  negosyante  na  respondents  sa  survey,  68  percent  ang  nagsabi  na  bilib  sila  sa  plataporma  ng  kandidato  na  kanilang  sinusuportahan.

Sa  mga  respondent,  5o  percent  naman  ang  umamin  na  nagbibigay  sila  ng  pera  sa  kandidato  dahil  posibleng  mangailangan  sila  ng  tulong  nito  sa  mga  darating  na  panahon.