Newsline II - Reloaded Joomla News Portal

Bigo ang militar na maiharap ang apatnapu’t tatlong inarestong health workers sa pagdinig ng Court of Appeals Special Division.

Idinahilan ni Assistant Solicitor General Renan Ramos na kahapon lamang nila nakuha ang kopya ng inisyung writ of habeas corpus ng Korte Suprema para iharap sa hearing ang apatnapu’t tatlo na sinasabing miyembro ng NPA.

Iginiit  din ni Ramos na kailangan nila ng sapat na panahon  o  tatlong araw para maihanda ang seguridad ng mga dinakip.

Ang 43 health workers ay inaresto ng militar habang nagsasagawa ng community health training sa barangay Maybangcal, sa Morong, Rizal noong Sabado.

Itinakda ng C.A. Special division ang susunod na pagdinig sa Lunes, alas dos ng hapon.