Newsline II - Reloaded Joomla News Portal

Hinihinala ng Davao City PNP na close–in security ni dating Maguindanao Governor Andal Ampatuan Sr. ang napatay ng mga bodyguard ni Buluan Vice Mayor Toto  Mangudadatu sa JS Gaisano Mall kagabi,  sa  Davao City

Sinabi ni Davao City Police Chief, Senior Superintendent Rene Espero, na dati rin miyembro ng Civilian Volunteers Organization si Kamendan Tamano Kagi, na naka-assign kay Andal Sr.

Walang armas si Kagi nang tangkain umano nitong agawan ng baril ang isa sa mga security escort ni Mangudadatu.

Isinasailalim na rin sa  imbestigasyon ang dalawang bodyguards ni Mangudadatu na sina PO1 Ibrahim Lenggalin at PO1 Benta Surab.

Kasama ni Mangudadatu ang kanyang mga anak sa pamimili ng laruan ala-syete kagabi sa JS Gaisano Mall sa Davao City nang maganap ang insidente.

Ayon  kay Mangudadatu,  pamangkin  ni  Andal  Sr.  si  Kagi  at isa  ito  sa  mga  suspect  sa  Maguindanao  Massacre  noong  Nobyembre  a-bente-tres.

Muli namang igigiit ni Buluan, Maguindanao Vice Mayor Toto mangudadatu sa Comelec na bigyan ito ng karagdagang security details kasunod ng tangkang pagpatay sa kanya.

Binigyang-diin ni Mangudadatu na ang insidente ay patunay lamang ng patuloy na banta sa kanyang buhay matapos ang masaker.

Nangangamba ang bise alkalde na masusundan pa ang insidente batay na rin sa mga death threat na natatanggap ng kanyang pamilya.