Newsline II - Reloaded Joomla News Portal

Pinalagan ng Former Senior Government Officials, businessmen at law students ang plano ni Pangulong Gloria Arroyo na magtalaga ng bagong Chief Justice bago bumaba sa kapangyarihan sa Hunyo a-trenta.

Sa full-page ads sa mga major broadsheet, tinawag ng mga dating opisyal ng pamahalaan at mga negosyante na “brazen at sly attempt” ng Malakanyang ang pag-aapoint ni Ginang Arroyo ng bagong punong mahistrado.

Anila, ang naturang plano ay isang pagtatangka para protektahan ang punong ehekutibo sa posibleng recrimination sa sandaling wala na ito sa kapangyarihan.

Sa hiwalay na ads ng Association of Law Students of the Philippines, iginiit ng mga ito na labag sa 1987 Constitution na mag-appoint ang pangulo, dalawang buwan bago ang presidential election.

Si Chief Justice Reynato Puno ay magreretiro sa May 17 pagsapit ng kanyang ika-70 kaarawan na mandatory age of retirement ng mga mahistrado.