Newsline II - Reloaded Joomla News Portal

Muling nakapuntos si Pangulong Gloria Arroyo sa disqualifation case na inihain laban sa kanya sa Comelec.

Ito’y nang ibasura ng 2nd Division ng poll body ang disqualification petition na isinampa ni Akbayan Partylist Representative Risa Hontiveros laban sa pangulo na tatakbong kinatawan ng ikalawang distrito ng Pampanga.
Inamin ni Hontiveros na ibinasura ang kanyang petisyon dahil sa kawalan ng merito.

Gayunman, tiniyak ng kongresista na maghahain siya ng motion for reconsideration sa Comelec o dudulog sa Korte Suprema upang masiguro na hindi mapapabilang ang pangalan ni Ginang Arroyo sa official ballots.

Una nang ibinasura ng Comelec 2nd division ang disqualification case na inihain ni Atty. Ely Pamatong laban kay Pangulong Arroyo.