Newsline II - Reloaded Joomla News Portal

Hindi natinag si Justice Secretary Leila De Lima sa banta ni House Minority Leader Edcel Lagman na isa- cite ito for contempt kung hindi isisiwalat ang nilalaman ng kanilang report sa hostage tragedy.

Sa budget hearing kanina, nanindigan si De Lima na hindi nito isasapubliko ang nilalaman ng kanilang walumpu't tatlong pahinang report nang walang approval mula kay pangulong Noynoy Aquino.

Sinabi ni De Lima kay Lagman na handa siyang harapin ang anumang ipapataw ng kamara laban sa kanya.

Iginiit din ng kalihim na prerogative ni Pangulong Noynoy Aquino na mamili ng mga ahensya o institusyon na bibigyan ng kopya ng report ng Incident Investigation and Review Committee.

Ito ay nang tanungin siya ni Lagman kung bakit hindi nila binigyan ng kopya ng report ang kamara.