Newsline II - Reloaded Joomla News Portal

Nagpasok ng guilty plea sa kasong bulk cash smuggling ang dalawang anak ni dating AFP Comptroller Carlos Garcia sa U.S.

Sesentensyahan ng U.S. District Court sa Nobyembre A-Bente Nueve sina Juan Paulo, dalawampu't siyam na taon ng Michigan at Ian Carl, tatlumpu't dalawa ng Las Vegas.

Inamin ng magkapatid na noong December 2003 ay ipinuslit nila mula Pilipinas patungong U.S. ang isandaan libong dolyar na itinago sa bagahe.

Inamin din ng dalawa na hindi sila nagsabi ng totoo sa mga opisyal ng U.S. Customs and Border Protection hinggil sa halaga ng pera na kanilang dala.

Nahaharap din sina Juan Paulo at Ian Carl kasama ang kanilang ama at ina sa kasong plunder sa Pilipinas dahil sa umano'y pagkamal ng pamilya ng mahigit tatlundaan milyon piso noong nasa military ang dating heneral.