Isiniwalat ng isang mahistrado ng Korte Suprema na nagpakawala ng tatlumpung milyong piso si Bataan Governor Enrique Garcia kapalit ng temporary restraining order.

Kahapon, kinatigan ng Korte Suprema ang petition for T.R.O. ni garcia laban sa suspension order sa kanya ng Office of the Ombudsman.

Ayon sa Justice na hindi nagpabanggit ng pangalan, ipinamudmod ang tatlumpung milyon sa Fifth Division.

Nagtataka rin ang isa pang mahistrado na tumangging magpakilala kung bakit nagdesisyon pa ang Kataas-Taasang Hukuman gayung dinesisyunan na ng Court of Appeals ang petisyon.

Giit pa ng dalawa,  “moot and academic” ang  desisyon ng Supreme Court dahil tinanggap na ni Garcia ang suspensyon laban sa kanya.