Inamin ni dating PNP Chief at ngayon ay deputy National Security Adviser Avelino Razon Jr. na siya ang nag-apruba ng biyahe ng tinaguriang Euro Generals sa Russia.

Kasunod  ito ng pagdiin sa kanya ni PNP Chief Jesus Verzosa sa House inquiry kahapon sa Euro Generals Scandal na kinasangkutan ni retired PNP Comptroller Eliseo Dela Paz.

Iginiit naman ni Razon na dalawa punto tatlong milyong piso lamang ang inaprubahan niyang pondo noong Agosto a-bente siyete para  sa biyahe ng walong heneral sa Russia,  noong  Oktubre a-syete.

Aniya, wala na itong kinalaman kung may sobrang pera na dala ang delegasyon sa interpol Assembly sa St. Petersburg.

Tiniyak naman ni mamang pulis na haharap ito sa anumang imbestigasyon sa iskandalo na nag-ugat sa pagharang kay dela Paz sa Moscow Airport dahil sa undeclared money na 105,000 euros   o     6.93 million pesos.